Tədqiqatlar göstərib ki, depressiya beyinin müəyyən bölgələrinin kiçilməsi ilə əlaqəlidir. Lakin o, həyəcanla birlikdə inkişaf edərsə, beyindəki bir bölgənin əhəmiyyətli dərəcədə böyüməsinə səbəb olur. Nəticələr 10000-dən çox insan beyninin analizinə əsasən hazırlanıb.

Aztibb.az meddaily.ru-ya istinadən xəbər verir ki, daha öncə müəyyən olunmuşdu ki, depressiya hippokampa - yaddaş və öyrənmə ilə bağlı bölgələrə güclü təsir edir. Depressiya səbəbindən bu bölgədə quruma baş verir. Alimlərin fikrincə, bu, qocalıqda Alzheimer xəstəliyinin inkişafına gətirib çıxara bilər.

Eyni zamanda, həyəcanla birlikdə müşayiət olunan depressiya beynin emosiyalarla bağlı digər zonasının ölçülərinin artmasına səbəb olur. Ehtimal olunur ki, həyəcan emosiyalarla bağlı bölgənin hiperaktivliyinə gətirib çıxarır.

Həyəcan depressiyanın beynin həcminə təsirini orta hesabla 3% zəiflədir.