1 saylı Kliniki Tibbi Mərkəz üç ay müddətində yeni formatda insanların xidmətində olacaq.
Aztibb.az xəbər verir ki, Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı AMEA-da keçirilən konfransda bu məlumatı verib.
O, bildirib ki, ağır COVID-19 xəstələrinin müalicəsi zamanı bəzi reanimatoloqların kvalifikasiya dərəcəsinin qənaətbəxş olmaması Operativ Qərargahın diqqətindən kənarda qalmamışdır:
“Kubadan 117 nəfər həkim heyəti ölkəmizə gələrək 1 saylı Kliniki Tibbi Mərkəzə yerləşdirilib. Bu xəstəxanadan TƏBİB-ə çoxsaylı şikayətlər daxil olurdu. Biz oradakı çatışmazlıqları aşkarladıq. Hazırda bütün xəstəxananın fəaliyyəti yenidən qurulur. 3 ay müddətində bu müəssisə tamamilə yeni formatda insanların xidmətində olacaq.
TƏBİB rəsmisi, həmçinin qeyd edib ki, Türkiyədə tibb sahəsində təhsil alan 19 Azərbaycanlı tələbə 3 ay müddətində Bakıya gətirilib, hazırda onlardan 16 nəfəri həm təlimlərdə iştirak edir, həm də koronaviruslu xəstələrə könüllü xidmət göstərir.
