Bunu uzman adını almağa 5 ay qalmış vətən müharibəsində iştirak etmək üçün təhsilini donduraraq könüllü xidmətə yola düşən həkim, tibb xidməti mayoru Rahib Cəbrayılov deyib.

 

R.Cəbrayılov Azərbaycan Tibb Universitetini bitirdikdən sonra Türkiyənin Gülhanə Askeri Tibb Akademiyasında ortoped və travmotologiya üzrə təhsilini davam etdirib. Uzman adını almağa 5 ay qalmış yaralı əsgərlərimizə kömək məqsədiylə könüllü şəkildə cəbhə bölgəsinə yollanıb. Həkimin müharibə şəraitində xidmət edən zaman unuda bilmədiyi hadisə:

 

“Əlini itirən əsgər əməliyyatdan öncə mənə “həkim, barmağımdakı nişan üzüyümü cibimə qoya bilərsiniz?” deyə rica etdi. Bu sözlər məni çox üzdü. O əlini döyüş meydanında itirmişdi”.