Braziliya Ali Məhkəməsi Amazonda yeni növ koronavirus (COVID-19) səbəbilə səhiyyə sisteminə qarşı səhlənkarlıq etdiyi iddia edilən Səhiyyə naziri Eduardo Pazuello ilə bağlı istintaqa başlayıb.

Amazonas əyalətinin tropik meşələrində 2 milyon əhalisi olan Manaus şəhərində  COVID-19 səbəbilə ağzına qədər dolan xəstəxanalarda oksigen borusu tükənib. Ayın əvvəlində ikinci epidemiya dalğasının vurduğu şəhərdə bir çox insan həyatını itirib.

Ali Məhkəmə, Səhiyyə naziri Pazuello haqqında iş aparması üçün federal polisə 60 gün müddətində səlahiyyət verib. Nazirliyin şəhər xəstəxanalarındakı ehtiyatların azaldığından xəbərdar olmasına baxmayaraq, yalnz 4 gün sonra avadanlıq verdiyi iddia edilir. Nazir, 8 yanvar tarixində məhkəmədən istintaq icazəsi istəyib.

 
Qeyd edək ki, Braziliya Hava Qüvvələri, şəhərdəki xəstəxanalar epidemiyanın yükünü daşıya bilmədiyi üçün, 15 yanvar tarixində xəstələri başqa əyalətlərə daşımağa başlayıb.