Hacıqabul Rayon Mərkəzi Xəstəxanasının (RMX) Doğum şöbəsinin müdiri Rəfiqə Həmzeyava barəsində cinayət işi başlanıb.

Şöbə müdiri Cinayət Məcəlləsinin 314.2-ci (səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddəsi ilə təqsirli bilinir.

Həmzeyeva ilə birlikdə daha bir şəxs - Hacıqulu Həmidov da eyni maddə ilə təqsirləndirilən şəxs qismində cəlb olunub.

İş üzrə zərərçəkmiş şəxs qismində isə Reyhan Bəşirova tanınıb.

Təqsirləndirilən şəxslər barəsində cinayət işinin istintaqı başa çatdırılıb, baxılması üçün Hacıqabul rayon Məhkəməsinə göndərilib.

Qeyd edək ki, Rəfiqə Həmzeyava 2010-cu ildə keçirilən parlament seçkilərində 58 saylı Hacıqabul-Kürdəmir seçki dairəsindən namizəd olub. Həmin dairədən parlamentə Rəfail Hüseynov deputat seçilib.