Xırdalanda baş vermiş partlayış nəticəsində yaralananlardan 5-i evə buraxılıb
26.01.2021 12:06

Abşeron Rayon Mərkəzi Xəstəxanasından ötən gün Abşeron rayonu, Xırdalan şəhəri, 27-ci məhəllə adlanan ərazidə yerləşən ikimərtəbəli fərdi yaşayış evində baş verən partlayışda xəsarət alan şəxslərin səhhəti barədə açıqlama verilib.

 

Xəstəxananın direktoru Mehriban Qaralova bildirib ki, ötən gün tibb müəssisəsinə yerləşdirilən Emil Əliyev, Arif Hüseynov, 11 yaşlı Firuddin Musayev, Simayə Ələzova, Xədicə Şükürzadənin vəziyyətləri yaxşı olduğundan evə buraxılıblar.

 

Partlayış zamanı ağır bədən xəsarətləri alan Vüsal Musayevin müalicəsi reanimasiya şöbəsində davam etdirilir.