Aztibb.az xəbər verir ki, Milli Məclisin növbədənkənar iclasında deputat Fazil Mustafa koronavirus pandemiyası dövründə bəzi iş yerlərinin açılmasını təklif edib. 

O, xatırladıb ki, xüsusi karantin dövründə marketlər işləsə də, digər müəssisələr fəaliyyət göstərmir: "Nazirlər Kabineti yanında Operativ Qərargaha müraciət edirəm ki, qərarlarına bir də baxsınlar, bütün müəssisələrin açılmasına dair qərar qəbul etsinlər. Bununla yanaşı, nəzarət də gücləndirilsin. Karantin qaydalarının pozulmasına görə sahibkarlar cərimələnsin. İnsanlar işsiz qalıblar, biz bunu anlamalıyıq”, - deyə F.Mustafa əlavə edib.

Millət vəkili, həmçinin qeyd edib ki, rayonlara gediş-gəliş açılmalıdır ki, bölgələrdə turizm sektoru məhv olmasın.