Aztibb.az xəbər verir ki, Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı AMEA-da “Koronavirus pandemiyası: elmi tədqiqatlardan sağlam gələcəyin təminatına doğru” mövzusunda keçirilən beynəlxalq onlayn konfransda çıxışı zamanı belə deyib.
O bildirib ki, COVID-19-un ölkəmizdə yeni yayılmağa başladığı dövrlərdə bütün maarifləndirici və təbliğat xarakterli tədbirlərə baxmayaraq virusa inanmayanlar çox idi. Lakin bütün dünyadakı və ölkədəki gedişat onu göstərdi ki, biz bu xəstəliyə inanmasaq, çox böyük yalnışa yol vermiş olarıq.
R.Bayramlı qeyd edib ki, koronavirusla mübarizə hələ qarşıdadır. Virusu müalicə edən dərman və vaksin hazır olanadək çox ehtiyatlı davranmalıyıq. Bu çətin yolda bütün tibb qurumları səfərbər olmalıdır. Yalnız belə olan halda biz xəstəliyin öhdəsindən gələ biləcəyik.
“Koronavirusun yüksələn xətlə inkişafına heç bir şübhəmiz yoxdur. Buna görə də biz həkimlər yenə ön cəbhədə fəaliyyətimizi davam etdirəcəyik”, - deyə TƏBİB-in sədri əlavə edib.