Aztibb.az xəbər verir ki, bu məlumatı Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı verib. O, bildirib ki, TƏBİB-in tabeliyinə verilmiş xəstəxanalarda COVID-19 xəstəliyinin diaqnostikasında mühüm əhəmiyyət kəsb edən analizlər qısa müddət ərzində təşkil edilmişdir:
“Koronavirusa yoluxanlar arasında hamilələr, böyrək çatışmazlığı və ürək problemi olanlara da rast gəlmişik. Çalışmışıq ki, multidissiplinar xidmət təmin etməklə belə xəstələrin də sağlamlıqlarına qovuşmalarını təmin edək.
Onlarla keysəriyyə əməliyyatı və doğuşların aparılmasına baxmayaraq heç bir ağırlaşma ilə rastlaşmadıq. COVID-19-a görə müalicə alan şəxslərdə yanaşı xəstəliklərə də dəstək verdik. Bu prosesdə yalnız planlı olan bəzi əməliyyat və müayinələri təxirə salmalı olduq”.