“Tanınmış rejissor, Xalq artisti Eldar Quliyev Respublika Müalicəvi Diaqnostika Mərkəzinin Kardiologiya şöbəsinin reanimasiyasına yerləşdirilib”.

Bu barədə Azərbaycan Respublikası Kinematoqrafçılar İttifaqının sədri, Xalq artisti Şəfiqə Məmmədova məlumat verib.

O, bildirib ki, Eldar Quliyev bir neçə gün əvvəl infarkt keçirib. Hazırda onun vəziyyəti ağır-stabildir.

Ş.Məmmədova rejissorun 80 illiyi münasibətilə təltif edildiyini də vurğulayıb. 

Qeyd edək ki, Eldar Quliyevin bu gün 80 yaşı tamam olur.