2020-ci ilin aprel ayının 8-dən etibarən Fövqəladə Hallar Nazirliyinin (FHN) Tibbi və psixoloji yardımın təşkili xidmətinə edilən müraciətlərin sayı açıqlanıb.

FHN-nin Tibbi və psixoloji yardımın təşkili şöbəsinin rəisi, tibb xidməti mayoru Xanım Sofiyeva açıqlamasında bildirib ki, ötən ilin 8 aprel tarixindən bu günə qədər xidmətə 2100 müraciət daxil olub: “Müraciət edən şəxslərin hər birinin sualları müvafiq qaydada cavablandırılıb və xidmətin həkimləri tərəfindən köməklik göstərilib”.

X.Sofiyeva əlavə edib ki, tibbi xidmət müharibədən əziyyət çəkən şəxslər üçün 24 saat fasiləsiz fəaliyyət göstərir.