ABŞ-ın Nyu-York ştatında Böyük Britaniyada aşkarlanan yeni ştammına yoluxma halı qeydə alınıb.

Aztibb.az-ın məlumatına görə, bu barədə ştatın qubernatoru Endyu Kuomo mətbuat konfransı zamanı deyib.

Onun sözlərinə görə, yeni ştamma yoluxma halı Saratoqa dairəsində aşkarlanıb: "Yeni ştamma yoluxan şəxs yaxın zamanda heç bir səyahət etməyib, bu isə o deməkdir ki, virusun bu variantı cəmiyyətimizdə mövcuddur".

Braziliyada koronavirusun Böyük Britaniyada aşkarlanan yeni ştammına iki yoluxma halı qeydə alınıb.

Yeni ştamma yoluxanlar Böyük Britaniyadan gəlmiş insanlarla təmasda olan 25 yaşlı qadın və onun 34 yaşlı tanışıdır.

Norveçdə isə koronavirusun Cənubi Afrika Respublikasında aşkarlanan yeni ştammına ilk yoluxma halı qeydə alınıb.

Yeni mutasiyaya yoluxan şəxs Norveçə Cənubi Afrika Respublikasından gəlib.

Bildirilir ki, Norveçdə həmçinin Böyük Britaniyada aşkarlanan yeni ştamma 23 yoluxma halı təsdiqlənib.

Norveçli həkimlərin sözlərinə görə, hər iki ştamm daha sürətli yayılır, lakin daha ağır fəsadlara yol açmırlar.