“Gürcüstan ərazisində ümumi sərt karantinin elan olunacağı ilə bağlı yayılan məlumatların əsası yoxdur. Ölkədə tam qapanmanın tətbiqi planlaşdırılmır”.

Aztibb.az xəbər verir ki, bu barədə ölkənin Baş naziri Giorgi Qaxariya brifinqdə bildirib.

Onun sözlərinə görə, avtomobillər və piyadaların hərəkətinin tam məhdudlaşdırılması nəzərdə tutulmur. Yalnız dekabrın 24-dən fəaliyyətinə icazə verilən ticarət obyektləri gələn ilin yanvarın 3-dən etibarən bağlanacaq.

“Biz artıq məhdudiyyətlərin müsbət nəticələrini müşahidə edirik. Əlavə digər məhdudlaşdırıcı tədbirlər həyata keçirilməyəcək”, – deyə, G.Qaxaria vurğulayıb.

Hökumət başçısı qeyd edib ki, ölkənin səhiyyə sistemi cari epidemioloji vəziyyətin öhdəsindən gələ bilir və narahatlığa əsas yoxdur.