Bu il Ümumdünya Səhiyyə Təşkilatı (ÜST) tərəfindən yeni növ koronovirus (COVID-19) pandemiyası elan ediləndən sonra həyata keçirilməyə başlanılan layihələrdən olan REACT-COVID-19 səhiyyə sistemlərinin qlobal epidemiyaya hazır olmasına dəstək verir. Həmin layihə Azərbaycanda da fəaliyyət göstərir. Bu ilin sentyabrından ÜST və UNICEF-in dəstəyi və Türkiyənin Ege Universitetinin mütəxəssislərinin iştirakı ilə ölkəmizdə gələn il qlobal epidemiya ilə əlaqədar olaraq şəhər və rayon səviyyəsində sağlamlıq sisteminin gücləndirilməsi üçün təlim proqramına başlanılıb və proqramın sağlamlıq və təcili yardım sisteminin yaradılmasına dəstək olması nəzərdə tutulur.
Aztibb.az xəbər verir ki, proqramın əsas məqsədi çevik, mobil və səlahiyyətli sağlamlıq işçi qüvvəsinın hazırlanması, infeksiyanın qarşısının alınması, nəzarət sistemləri yaradılmasıdır.
Layihə Bakıda və ölkəmizin on bölgəsində həyata keçiriləcək. Layihədən sonra milli potensialın artırılması, müvafiq sahələrdə milli təcrübənin inkişaf etdirilməsi, ali tibbi təhsilə dəstəyin olması - təlim sisteminin qurulması və təşkilat potensialının yaradılması, texnologiya və rəqəmsal öyrənmə, yerli təlim mərkəzlərinin qabiliyyətiniт artırılması və təlimlərlə əlaqədar vəzifələrin asanlaşdırması nəzərdə tutulur.
Layihədə tərəfdaşlardan biri də Əziz Əliyev adına Azərbaycan Dövlət Həkimləri Təkmilləşdirmə İnstitutu və bu qurumun əməkdaşlarıdır.