Bütün ölkələri koronavirus vaksinləri ilə təmin etməyi hədəfləyən beynəlxalq COVAX mexanizminin təcili şəkildə 4 milyard dollardan çox vəsaitə ehtiyacı var.

Aztibb.az-ın məlumatına görə, bunu Ümumdünya Səhiyyə Təşkilatının (ÜST) direktoru Tedros Adanom Gebreyesus deyib.

ÜST rəhbəri ötən il dekabrın 31-də ilk dəfə Çində "naməlum mənşəli pnevmoniya"ya yoluxma barədə məlumatın ildönümü ilə əlaqədar videomüraciət edib.

O, bildirib ki, dünyanı müdafiə etmək üçün hər yerdə risk altında olan insanların immun sisteminin möhkəmlənməsini təmin etmək lazımdır:

"Bu məqsədlə COVAX mexanizminə aşağı gəlirli ölkələrdə vaksinlərin satın alınması üçün 4 milyard dollardan çox vəsait lazımdır".