ABŞ Milli Səhiyyə İnstitutunun tədqiqatçıları COVID-19-un müalicəsində istifadə etmək üçün lama heyvanlarından götürdükləri “Cormac” adlı nano antikorları test ediblər.

Aparılan testlərin nəticələrinə əsasən lamalardakı nano antikorların COVID-19-a qarşı təsirli olduğu müəyyən edilib.

Araşdırmanı aparan elm adamları lama, alpaka və dəvə kimi heyvanlarda tapılan “NIH-CoVnb-112” antikorunun insan antikorlarına nisbətən daha kiçik və 10 qat daha güclü olduğunu və bu baxımdan koronavirusun müalicəsində və xəstəliklərin qarşısının alınmasında təsirli ola biləcəyini bildiriblər.

Laboratoriya təcrübələri “Cormac” adlı lamadan alınan nano antikorların COVID-19-a səbəb olan SARS-CoV-2 virusunun zülalına yapışdığını və onu təsirsiz hala gətirdiyini göstərib.

“Bu anti-COVID-19 antikorlarının koronavirus epidemiyası ilə mübarizədə yüksək dərəcədə təsirli və çox yönlü ola biləcəyinə ümid edirik”,- deyə tədqiqat qrupunun rəhbəri professor Devid Brodi qeyd edib.