Böyük Britaniyalı müğənni və dizayner Viktoriya Bekhem civədən zəhərlənib.

Bu barədə “The Sun” nəşri məlumat yayıb.

Zəhərlənmənin səbəbi Viktoriya Bekhemin bu yaxınlarda başladığı balıq pəhrizi olub. Belə ki, pəhriz zamanı müğənni qida rasionuna qılınc balığı da daxil edib. Qılınc balığı, civə nisbəti yüksək, ən çirkli dəniz balıqları qrupundandır.

Müğənni özünü pis hiss etdiyi üçün həkimə müraciət edib.

Müayinələrdən sonra məlum olub ki, onun bədənində civənin miqdarı yüksəkdir. Nəticədə müğənni qaraciyər təmizlənməsi proseduru aparmaq məcburiyyətində qalıb.