Azərbaycan Tibb Universiteti (ATU), universitetin Tələbə Gənclər Təşkilatı və Azərbaycan Tələbə Gənclər Təşkilatları İttifaqı tərəfindən “Rezidenturaya birlikdə hazırlaşaq” layihəsi çərçivəsində beşinci onlayn görüş-vebinar baş tutub.

Aztibb.az xəbər verir ki, "Patoloji fiziologiya" fənni üzrə onlayn tədbirdə ATU-nun Patoloji fiziologiya kafedrasının dosenti Sərdar Əliyev tələbələrlə görüşərək, fənn üzrə imtahana hazırlıqla bağlı tövsiyələrini  verib, ona ünvanlanan sualları cavablandırıb.
Onlayn görüş "Zoom" platforması üzərindən həyata keçirilib və təşkilatın "Facebook" səhifəsində canlı yayımlanaraq geniş izləyici kütləsinə çatdırılıb.

Fənn üzrə vebinarlar 25 və 28 iyul tarixlərində baş tutub. 2 vebinarda ümumilikdə 350 nəfərdən çox tələbə və məzun iştirak edib.

Qeyd edilib ki, ekspert müəllimlər tələbələrin ümumi rəyinə əsasən müəyyən olunub.

"Patoloji fiziologiya" fənni üzrə vebinarları təkrar izləmək üçün keçid :

Vebinar 1 : https://www.facebook.com/watch/?v=959428661186319
Vebinar 2 : https://www.facebook.com/watch/?v=387480005564083