Türkiyədə oktyabrın 9-dan indiyədək saxta içki zəhərlənməsi səbəbindən 92 nəfər həyatını itirib. Bu ölüm halları Türkiyənin 14 vilayətində baş verib.

Aztibb.az xəbər verir ki, son üç gün ərzində ölkənin Bursa vilayətində bu səbəbdən xəstəxanaya yerləşdirilən 14 nəfərdən üçü ölüb, bir neçəsinin vəziyyəti ağırdır.

Türkiyə ərazisində saxta içki dövriyyəsinin qarşısının alınması məqsədilə bir sıra əməliyyat keçirilib. Bu əməliyyatlar zamanı 159 şübhəli şəxs saxlanılıb ki, onlardan 10-u həbs edilib.

Əməliyyatlar zamanı çox sayda saxta içki müsadirə olunub.