Ölkədə koronavirusa yoluxma hallarının daha da artması, açıq və qapalı məkanlarda tibbi maskalardan istifadənin məcburi olması bu qoruyucu vasitələrə tələbatı da çoxaldıb.

Bəs bu gün ölkədə maska istehsalı ilə bağlı vəziyyət necədir?

Aztibb.az xəbər verir ki, bu barədə Trend-ə “Bakı Tekstil Fabriki” MMC-nin rəhbəri Səkinə Babayeva məlumat verib.

Onun sözlərinə görə, bu gün MMC-nin nəzdində tibbi maska istehsalı müəssisəsi ölkə təlabatını ödəyir və istehsalda heç bir problem yoxdur:

S.Babayeva qeyd edib ki, gələcəkdə maskaya tələbat çoxalarsa, bunun üçün yeni ehtiyat fondu yaradılmalıdır:

“Əlbəttə bu, hökumət səviyyəsində hazırlanacaq bir ehtiyat fondu olmalıdır. Belə ki, bizim özümüzün hazırda ehtiyat olaraq 10 milyona yaxın maska üçün xammalımız var, ancaq daha artığına gücümüz çatmaz. Ona görə də, gələcəkdə ehtiyac artarsa, bunun üçün dövlətin də dəstəyi olmalıdır”.