“Avqustun 5-dən sonra dövlət olaraq bütün məhdudiyyətləri götürə bilmərik. Məhdudiyyətlər qismən müxtəlif sahələrdə qalmalıdır”.

Bu sözləri millət vəkili Şahin Seyidzadə AzTV-də yayımlanan “Koronovirus İnfo” verilişində deyib:

“Lakin coğrafi və lokal təhlillər göstərməlidir ki, hansı yerdə hansı qərarlar verilə bilər. Çox vaxt valideynlər mənə təhsillə bağlı sual verirlər ki, sentyabrın 15-dən sonra dərslər başlayacaqmı?

Azərbaycan dövləti nadir ölkələrdən biridir ki, yoluxanlar arasında uşaqların sayı, demək olar ki, sıfırdır. Biz 1 milyon 500 min şagird-müəllim kollektivini qoruya bilmişik. Bu çox ciddi bir nəticədir.

Təhlillər göstərir ki, sərt karantin rejiminin artıq müsbət nəticələri var və əhalinin də bunda çox böyük töhfəsi olub. Qaydalara riayət edən əhaliyə təşəkkür edirik.

Lakin bizim məqsədimiz müharibəni udmaqdır. Müharibə tək bizim ölkəmizdə deyil, dünyanın 190 ölkəsindədir”.