Türkiyənin Kapadokya şəhərində “İdman, Antropologiya, Qidalanma, Anatomiya və Radiologiya üzrə SANAR 2020” ikinci beynəlxalq konqresi keçirilib.

Onlayn formada keçirilən tədbirə ümumilikdə 7 ölkənin 45 universitetindən 300-ə yaxın tədqiqatçı qatılıb.

Beynəlxalq konqres işini 29 bölmədə davam etdirib.

Azərbaycan Tibb Universitetinin (ATU) İnsan anatomiyası və tibbi terminologiya kafedrasının müdiri, Əməkdar elm xadimi, professor Vaqif Şadlinskinin rəhbərliyi ilə kafedranın əməkdaşları konqresdə uğurla çıxış ediblər.

 
Tədbirdə professor Gülqız Hüseynovanın “Axacağı S-şəkilli əyrilik əmələ gətirən sidik kisəsi vəzilərinin morfoloji xüsusiyyətləri”, dosent Sədaqət Rüstəmovanın “Tirositlərin həyati və ölümdən sonrakı deskvamasiyasının morfoloji xüsusiyyətləri” və baş müəllim Gülnarə Kərimzadənin “Üz sinirinin yanaq şaxəsinin topoqrafiyası” mövzusunda məruzələri dinlənilib.