Gəncə Dövlət Universitetinin Ümumi fizika kafedrasının dosenti Qurban Bəylərov koronavirusdan dünyasını dəyişib.

Qeyd edək ki, Q.Bəylərov 1968-ci ildə Kəlbəcər rayonunun Geştək sovetliyinin Yellicə kəndində anadan olmuşdur. O, 2005-ci ildə “Orta məktəb fizika kursunun ibtidai hərbi hazırlıq fənni ilə əlaqəli tədrisi problemləri” mövzusunda dissertasiya işini müdafiə etmişdir. Fizikanın tədrisi metodikası üzrə  pedaqoji elmlər namizədi alimlik dərəcəsi almışdır. Q.Bəylərov 25 elmi məqalə və 3 dərs vəsaitinin müəllifi idi. Alim 1992-ci ildən bu ali təhsil müəssisəsində çalışırdı.