Malayziyanın Perdana (Perdana University) Universitetinin tədqiqatçıları B2 vitamininin defisitinin sağlamlıq üçün nə qədər təhlükəli olduğunu müəyyənləşdiriblər.

Aztibb.az xəbər verir ki, bu barədə www.m24.ru saytı məlumat yayıb.

Alimlərin sözlərinə görə, B2 vitamini antioksidant xüsusiyyətini özündə saxlayır, bunun nəticəsində oksidləşdirmə zədələri yüngülləşir. Bu proseslər bir sıra xəstəliklərlə bağlı ola bilər.

Mütəxəssislər onkoloji, ürək-damar xəstəlikləri, diabet, həmçinin Alsqeymer xəstəlikləri inkişafı riskini istisna etmir.

Elm adamları bildirir ki, yüksək oksidləşdirmə stressi, riboflavin çatışmazlığına gətirib çıxara bilər. Sonra qan azlığına gətirən qan dövranı sistemi funksiyalarının pisləşməsi də ola bilər. Bundan başqa, həzm sistemi də B2 vitamini çatışmazlığından zərər çəkə bilər.