Amerika Tibb Birliyinin mütəxəssisləri "Moderna" və "Pfizer" tərəfindən hazırlanan koronavirus peyvəndlərinin yan təsirlərini açıqlayıblar.

Aztibb.az medimagazin.com.tr-yə istinadla xəbər verir ki, açıqlamaya görə, "Moderna" testlərinə qatılan könüllülərin 2,7 faizinin peyvəndin ilk dozasının tətbiq olunduğu bölgədə ağrı olduğu bildirilir. İkinci dozada könüllülərin 9,7 faizində yorğunluq, 8,9 faizində əzələ, 5,2 faizində oynaq, 4,5 faizində baş ağrısı müşahidə olunub.

43 yaşlı bir könüllünün isə 12 saat ərzində yüksək istilik yaşadığı qeyd olunub.

"Pfizer"in sınaqlarında iştirak edən insanların 4 faizinin ikinci dozadan sonra baş ağrısı keçirdiyi məlum olub. Sözügedən yan təsirlərin zərərsiz olduğu bildirilib.