Rusiya koronavirusa qarşı vaksinə dair yeni nəticələri elan edib. Bildirilir ki, COVID-19-a qarşı eksperimental vaksin olduqca effektivdir və o, beynəlxalq bazarlarda qərb rəqiblərinə nisbətən daha aşağı qiymətə satılacaq.

Aztibb.az medikforum.ru-ya istinadən xəbər verir ki, "Sputnik V" beynəlxalq bazarda orta hesabla iki doza üçün 20 dollardan aşağı qiymətə olacaq.

Rusiyanın vaksini "Pfizer" və ya "Moderna" şirkətlərinin vaksinindən iki və ya daha çox dəfə daha ucuz başa gələcək. Belə ki, müqavilələrə əsasən, bu şirkətlər bir doza üçün müvafiq olaraq 20 və 15-25 dollar aralığında qiymət müəyyən ediblər.

Qeyd edək ki, Rusiyanın növbəti ildə xarici ölkələr üçün 1 milyarddan çox doza vaksin istehsal etməsi nəzərdə tutulur.