Xocavənd Rayon Mərkəzi Xəstəxanasının terapevti Rüfət Hüseynov vəfat edib.

Aztibb.az xəbər verir ki, bu barədə Xocavənd RMX məlumat yayıb.

Məlumatda bildirilir: "Xocavənd Rayon Mərkəzi Xəstəxanasının dəyərli həkimi, peşəkar terapevt Rüfət Hüseynovun vəfatı kollektivimizdə dərin hüzn və kədər hissi doğurub.

Ömrünü insanların sağlamlığının qorunmasına həsr edən, zəngin biliyi, peşəsinə bağlılığı və insani keyfiyyətləri ilə seçilən Rüfət həkimin vaxtsız vəfatı ailəsi, doğmaları, həmkarları və onu tanıyan hər kəs üçün əvəzolunmaz itkidir.

Bəzi insanların yoxluğu yalnız bir ayrılıq deyil, həm də qəlblərdə silinməz iz, xatirələrdə isə daim yaşayacaq bir dəyərdir. Rüfət həkim də öz peşəkarlığı, insanlara münasibəti və xoş xatirələri ilə onu tanıyanların yaddaşında hər zaman hörmətlə anılacaq.

Xocavənd Rayon Mərkəzi Xəstəxanasının kollektivi adından mərhumun ailəsinə, yaxınlarına və bütün doğmalarına dərin hüznlə başsağlığı verir, onlara səbir və dözüm diləyirik.

Allah rəhmət eləsin, Rüfət həkim! Məkanınız cənnət, ruhunuz şad olsun!"