Azərbaycanda qida təhlükəsizliyi sahəsində rəqəmsallaşmanın xüsusi əhəmiyyəti var.

Aztibb.az xəbər verir ki, bunu Azərbaycan Qida Təhlükəsizliyi Agentliyinin (AQTA) sədri Qoşqar Təhməzli ADA Universitetində keçirilən "Ümumdünya Qida Günü 2026" adlı tədbirdə bildirib.

Onun sözlərinə görə, bu, idxal-ixraç əməliyyatlarında məlumat mübadiləsinin sürətləndirilməsi, prosedurların sadələşdirilməsini və şəffaflaşdırılmasını artırılmasını imkan yaradır: "Bu gün Azərbaycan məhsulları artıq dünyanın 70-dən çox ölkəsinə ixrac olunur. Rəqəmsallaşma sadəcə olaraq hər hansı bir elektron xidmətlərin sayının artırılması demək deyil. Əsas odur ki, məhsulun mənşəyini izləyə bilək, təhlükəni vaxtında məyən edək və düzgün qərarı gecikmədən verək. İstəyirik ki, istehlakçı aldığı məhsulun təhlükəsizliyinə əmin olsun, fermer və sahibkər isə əməyinin nəticəsini daha geniş bazarlara çatıra bilsin".

Q.Təhməzli deyib ki, qarşıdakı dövrdə bu məqsədlərə çatmaq üçün mühüm imkanlar var: "Belə ki, 2027 və 2032-ci illər üçün qida təhlükəsizliyinə dair dövlət proqramı çərçivəsində qida məhsullarının istehsaldan son istehlak mərhələsinədək izlənilməsi, dövlət qurumları arasında məlumat mübadiləsinin genişləndirilməsi nəzərdə tutulur. Bunlar ilk baxışdan texniki məsələlər kimi görünsə də, əslində isə onların hər birin arxasında çox vacib məqsəd dayanır. Bu da qida təhlükəsliyi sahəsində risk qimətləndirilməsidir. Belə ki, biz riskləri vaxtında görmək, problemlərin böyüməsini imkan verməmək və insan sağlamlığını daha ehtibarlı şəkildə qorumaq imkanları əldə edəcəyik".