Azərbaycan Tibb Universiteti ilə Türkiyənin İstanbul şəhərində yerləşən Altınbaş Universiteti arasında əməkdaşlıq çərçivəsində 2026–2027-ci tədris ilinin yaz semestri üçün mübadilə proqramına müraciət qəbulu elan olunur.

 

Bu barədə Aztibb.az-a ATU-dan məlumat verilib.

 

İştirak şərtləri:

Müalicə-profilaktika, Stomatologiya, Əczaçılıq fakültələri, eləcə də İctimai səhiyyə fakültəsinin “İctimai səhiyyə” və “Tibb bacısı işi” ixtisasları üzrə II–IV kurs tələbələri;

Akademik göstərici: GPA 90 və yuxarı.

 

Tələb olunan sənədlər:

1. Akademik transkript;

2. Fakültə dekanından tövsiyə məktubu;

3. Pasportun surəti.

 

Tədris ingilis və türk dillərində aparılır. Proqram çərçivəsində bütün xərclər qarşılanır.

 

Müraciət etmək istəyən tələbələr sənədləri 30 oktyabr 2026-cı il tarixinədək international@amu.edu.az elektron poçt ünvanına göndərərək qeydiyyatdan keçə bilərlər.