Bakı Sağlamlıq Mərkəzinin icraçı direktoru, dosent Asiman Həsənov Türkiyənin Antalya şəhərində keçirilən TÜRKTIP2026 – IV Beynəlxalq Türkdilli Ölkələrin Tibb Konqresində iştirak edib.

Bu barədə Aztibb.az-a mərkəzdən məlumat verilib.

Bildirilib ki, Türkdilli ölkələrdən səhiyyə mütəxəssislərini bir araya gətirən konqresdə müasir tibbin inkişaf istiqamətləri, səhiyyədə innovativ yanaşmalar, süni intellektin tibbdə tətbiqi və beynəlxalq elmi əməkdaşlığın gücləndirilməsi kimi aktual mövzular diqqət mərkəzində olub.

Beynəlxalq səviyyəli bu cür tədbirlərdə iştirak qabaqcıl tibbi təcrübələrin paylaşılması, yeni elmi yanaşmaların öyrənilməsi və səhiyyə sahəsində əməkdaşlıq imkanlarının genişləndirilməsi baxımından mühüm əhəmiyyət daşıyır.