Tərtər Rayon Mərkəzi Xəstəxanasında Təcili Tibbi Yardım və Cərrahiyyə şöbəsinin tibb işçilərinin peşəkar bilik və bacarıqlarının artırılması, kritik vəziyyətlər zamanı ilkin tibbi yardımın düzgün və vaxtında göstərilməsi məqsədilə təlim keçirilib.

 

Bu barədə Aztibb.az-a Tərtər RMX-dan məlumat verilib.

 

Bildirilib ki, təlimdə Təcili tibbi yardım şöbəsinin həkimi Afət Əliyeva çıxış edərək iştirakçılara geniş məlumat verib.

 

Təlim çərçivəsində şok və kritik hallar, infeksiyalar, zəhərlənmələr, insult və beyin zədələnmələri zamanı ilkin tibbi yardım mövzuları ətrafında müzakirələr aparılıb.

 

Sonda iştirakçıların sualları cavablandırılıb və mövzular üzrə fikir mübadiləsi aparılıb.