Xətai Tibb Mərkəzində azyaşlı pasiyentlərin sağlamlığının qorunması və onlara keyfiyyətli tibbi xidmət göstərilməsi istiqamətində tədbirlər davam etdirilir.
Aztibb.az xəbər verir ki, uşaq cərrahı Pərviz Səmədovun sözlərinə görə, kəskin sancı şikayəti ilə tibb müəssisəsinə müraciət edən azyaşlı pasiyent müayinə olunub, vəziyyəti qiymətləndirildikdən sonra ilkin tibbi yardım göstərilib və müvafiq tibbi tədbirlər həyata keçirilib.
Həkimin sözlərinə görə, uşaqlarda yaranan müxtəlif ağrı və narahatlıqların səbəbinin vaxtında müəyyənləşdirilməsi və zəruri tibbi müdaxilənin aparılması onların sağlamlığının qorunması baxımından mühüm əhəmiyyət daşıyır.
Xətai Tibb Mərkəzinin tibbi heyəti azyaşlı pasiyentlərə peşəkar və həssas yanaşma nümayiş etdirərək onların vaxtında müayinə və müalicəsinin təmin olunması istiqamətində fəaliyyətini davam etdirir
