Azərbaycan Respublikası Səhiyyə Nazirliyinin İctimai Səhiyyə və İslahatlar Mərkəzi tərəfindən (İSİM) "Azərbaycanda ictimai səhiyyə: müasir çağırışlar və gələcək hədəflər” mövzusunda elmi-praktik konfrans təşkil olunub.
Mərkəzdən Aztibb.az-a verilən xəbərə görə, İSİM-in 20 illik fəaliyyətinə həsr olunan konfransda dövlət qurumlarının rəsmiləri, Milli Məclisin deputatları, səhiyyə sahəsinin nümayəndələri, tibb işçiləri və digər qonaqlar iştirak ediblər.
Tədbirin rəsmi hissəsində çıxış edən ASİHİRK sədri Elnara Muradova ictimai səhiyyənin inkişafında səhiyyə işçilərinin roluna, onların peşəkar və sosial rifahının dəstəklənməsinin əhəmiyyətinə toxunub, bu istiqamətdə qurumlararası əməkdaşlığın vacibliyini vurğulayıb.
Konfrans çərçivəsində İSİM-in 20 illik fəaliyyəti, həyata keçirilən layihə və tədqiqatlar, ictimai səhiyyənin müasir çağırışları və gələcək inkişaf istiqamətləri barədə təqdimatlar keçirilib, əhalinin sağlamlığının qorunması, sağlam həyat tərzinin təşviqi, qeyri-infeksion xəstəliklərin risk amilləri, reproduktiv sağlamlıq, ətraf mühit və rəqəmsal səhiyyə həlləri ilə bağlı aktual məsələlər müzakirə olunub.
