Ağ Ev koronavirusun yayılmasına baxmayaraq Yeni il şənliklərinin keçiriləcəyini açıqlayıb.
Aztibb.az xəbər verir ki, ötən gündən etibarən Vaşinqtonda hazırlıqlara start verilib. Belə ki, böyük küknar ağacı Ağ Evin həyətinə aparılıb, dekabr ayında bütün dini bayramların reallaşdırılması planlaşdırılıb.
Hazırkı birinci xanım Melaniya Trampın sözçüsü Stefani Qrişam KİV-ə açıqlamasında bildirib ki, şənliklərə qatılmaq insanların şəxsi seçimidir: “Hər il Ağ Evdə Yeni il bayramının ənənəvi dekorunu görmək, şənliyin dadını çıxarmaq keçmiş zamanlardan bu yana bir ənənə halını alıb”.
Qeyd edək ki, bundan öncə ABŞ-ın Xəstəliyə Nəzarət və Mübarizə Mərkəzi, Ağ Ev rəsmiləri, hökumət nümayəndələri xalqa Yeni İl və Şükran bayramında səyahət etməmələri, qapalı məkanlara toplaşmamaları barədə çağırış edib.
