Şamaxı Rayon Mərkəzi Xəstəxanası tərəfindən Şamaxıda fəaliyyət göstərən 2 saylı Psixonevroloji Sosial Xidmət Müəssisəsinin sakinləri ixtisaslı tibbi müayinələrə cəlb olunub.

Aztibb.az xəbər verir ki, müayinələr zamanı terapevt, oftalmoloq, dermatoloq, cərrah və kardioloqlar tərəfindən müəssisə sakinlərinin sağlamlıq vəziyyəti qiymətləndirilib.

Tibbi müayinələrin əsas məqsədi sakinlərin mövcud sağlamlıq vəziyyətinin qiymətləndirilməsi, mümkün xəstəliklərin erkən mərhələdə aşkarlanması və ehtiyac yarandığı hallarda müvafiq tibbi tövsiyələrin verilməsi olub.

Müayinələr çərçivəsində sakinlərin sağlamlıq göstəriciləri ixtisaslı həkimlər tərəfindən dəyərləndirilib və onların tibbi ehtiyaclarının müəyyənləşdirilməsinə diqqət yetirilib.