İşğaldan azad olunmuş Xocavənd rayonuna qayıdan sakinlərin tibbi xidmətlərə əlçatanlığının təmin edilməsi istiqamətində yeni rayon mərkəzi xəstəxanası fəaliyyətə başlayıb.

TƏBİB-in İcraçı direktoru Anar Bayramov müəssisəyə səfəri zamanı xəstəxanada yaradılmış şərait, tibbi avadanlıqlar və kadr təminatı ilə tanış olub.

TƏBİB-dən Aztibb.az-a bildirilib ki, xəstəxananın Poliklinik şöbəsində terapevt, pediatr, oftalmoloq və ginekoloq qəbulu, ultrasəs və laborator müayinələr, cərrahiyyə bölməsi, triaj sahəsi və tibbi yardım otaqları, rentgen müayinəsi fəaliyyət göstərir.

Xəstəxananın tabeliyində fəaliyyət göstərən Qırmızı Bazar Həkim Məntəqəsində də sakinlərə tibbi xidmət göstərilməsi üçün zəruri şərait yaradılıb.