Sabunçu Tibb Mərkəzində uzun illər səhiyyə sahəsində çalışan bir qrup qocaman həkimin təqaüdə yola salınması münasibətilə görüş keçirilib.
Bu barədə Aztibb.az-a Sabunçu Tibb Mərkəzindən xəbər verilib.
Bildirilib ki, mərkəzin direktoru Cavid Paşayev uzun illər ərzində tibb sahəsinə və pasiyentlərə göstərdikləri fədakar xidmətə görə həkimlərə dərin təşəkkürünü bildirib.
Direktor çıxışında həkimlərin peşəkar fəaliyyətləri dövründə pasiyentlərin sağlamlığının bərpasına verdikləri töhfələrdən, öz işlərinə məsuliyyətli və vicdanlı yanaşmalarından bəhs edib. Qeyd olunub ki, onların uzunillik peşəkar fəaliyyəti gənc həkimlər üçün dəyərli təcrübə və nümunədir.
Direktorun müavinləri də həkimlərə həyatlarının yeni mərhələsində möhkəm cansağlığı, ailə səadəti və uğurlar arzulayıb.
