Xəstəxanadan Aztibb.az-a bildirilib ki, Gəncə ŞBX-nin Tibb bacıları şöbəsinin müdiri Güney Əzizova tərəfindən təşkil olunan təlimdə xəstəxananın tabeliyində olan tibb müəssisələrinin baş tibb bacıları iştirak edib.

 

Təlim zamanı pasiyentlərlə düzgün ünsiyyət qurulması, tibbi etika və deontologiya prinsiplərinə riayət olunması, eləcə də xidmət keyfiyyətinin yüksəldilməsi istiqamətində vacib məqamlar müzakirə edilib. İştirakçılara peşəkar davranış qaydalarının tibbi xidmətin ayrılmaz bir hissəsi olduğu vurğulanıb.

 

Təlimin sonunda iştirakçıların sualları cavablandırılıb və mövzu ətrafında fikir mübadiləsi aparılıb.