Son zamanlar sosial şəbəkələrdə vətəndaşların 103 təcili tibbi yardım xidmətindən qeyri-ciddi və təcili tibbi yardım tələb etməyən hallar üçün istifadə etməsi ilə bağlı videolar yayılır.

 

Aztibb.az xəbər verir ki, bu cür zənglər həqiqətən təcili tibbi yardıma ehtiyacı olan insanların vaxtında tibbi yardım almasına maneə yarada bilər.

 

Vətəndaş olaraq hər birimiz sosial məsuliyyətimizi dərk etməli və 103 xidmətinə yalnız təcili hallarda müraciət etməliyik.

 

Unutmayaq: bizim üçün adi görünən bir zəng başqa bir insan üçün həyati əhəmiyyət daşıyan yardımın gecikməsinə səbəb ola bilər.

 

103-ə yalnız təcili və təxirəsalınmaz tibbi yardım tələb olunan hallarda müraciət edək. Xətti və briqadaları təyinatı üzrə istifadə edək, təcili yardıma ehtiyacı olan insanların vaxtını almayaq.