Prezident İlham Əliyevin tapşırığı əsasında 72 mindən çox tibb işçisinin əməkhaqqı artırıldı. Bundan sonra tibb işçiləri, xüsusilə bölgələrdə çalışan mütəxəssislər daha yüksək əməkhaqqı alacaqlar.

Aztibb.az AZƏRTAC-a istinadla xəbər verir ki, bunu Milli Məclisin Səhiyyə komitəsinin sədri, akademik Əhliman Əmiraslanov sentyabrın 17-də komitənin payız sessiyasında keçirilən ilk iclasında deyib.

“Tibb işçilərinin illik əməkhaqqı fondu 189 milyon manat artırılıb. Bu, kifayət qədər böyük rəqəmdir və hesab edirəm ki, tibb işçilərinin maddi rifahının yüksəldilməsi istiqamətində atılmış mühüm addımlardan biridir”, - deyə o bildirib.