Qobustan Rayon Mərkəzi Xəstəxanasında “Azyaşlı uşaqlar, hamilə və zahı qadınların ev ziyarəti – patronaj modeli” mövzusunda təlim keçirilib.

 

Təlimdə Qobustan Rayon Mərkəzi Xəstəxanasının direktoru Günay Muradova, Şamaxı Rayon Mərkəzi Xəstəxanasının direktoru Natiq Əliyev, Regional Patronaj Xidmətinin əməkdaşları, Dağlıq-Şirvan regionunda fəaliyyət göstərən tibb müəssisələrinin nümayəndələri, eləcə də həkim və orta tibb işçiləri iştirak ediblər.

 

Bu barədə Aztibb.az-a Qobustan RMX-dan xəbər verilib.

 

Bildirilib ki, patronaj modelinin tətbiqi, azyaşlı uşaqların, hamilə və zahı qadınların ev ziyarətlərinin təşkili, sağlamlıq vəziyyətinin qiymətləndirilməsi, risklərin erkən müəyyənləşdirilməsi, profilaktik tədbirlərin həyata keçirilməsi və zəruri hallarda müvafiq tibbi xidmətlərə yönləndirmə ilə bağlı məlumat verilib.

 

Təlim zamanı iştirakçıların sualları cavablandırılıb, patronaj xidmətinin təşkili və praktik tətbiqi ilə bağlı fikir mübadiləsi aparılıb.