TƏBİB-in tabeliyindəki Tərtər Rayon Mərkəzi Xəstəxanası tərəfindən Ağdərə rayonunun Suqovuşan qəsəbəsində səyyar tibbi aksiya keçirilib.

Tərtər RMX-dan Aztibb.az-a bildirilib ki, işğaldan azad olunmuş ərazilərdə tibbi xidmətə əlçatanlığı artırmaq və xəstəlikləri erkən aşkarlamaq məqsədilə təşkil olunan aksiyada terapevt, ginekoloq, pediatr, cərrah, laborator və radioloq iştirak edib.

Müayinələr zamanı 36-dan çox sakinə 65-ə yaxın tibbi xidmət göstərilib və laborator analizlər götürülüb.