Bu barədə Aztibb.az-a Xəstəxanadan xəbər verilib.

 

Bildirilib ki, tədbirdə Saatlı Rayon Mərkəzi Xəstəxanasının direktoru Pərvin Məmmədov, “Yeni Azərbaycan Partiyası” Saatlı Rayon Təşkilatının sədri Elşən Əzizov, tibb müəssisəsinin struktur bölmə rəhbərləri və tibb işçiləri iştirak ediblər.

 

Tədbir iştirakçıları səhiyyə sahəsinin inkişafında və əhalinin sağlamlığının qorunmasında xüsusi xidmətləri olan cərrah Əhədağa Soltanovun yüksək insani keyfiyyətlərindən, vətənpərvərliyindən və gənc nəslə örnək olan ömür yolundan bəhs ediblər.

 

Pərvin Məmmədov yubilyarın səhiyyə sahəsində göstərdiyi xidmətlərdən bəhs edib, ona möhkəm cansağlığı və gələcək fəaliyyətində uğurlar arzulayıb.

 

Sonda Ə.Soltanova səhiyyə sahəsində uzunmüddətli və səmərəli fəaliyyətinə görə Fəxri Fərman təqdim edilib.