Mərkəzi Gömrük Hospitalının ümumi cərrahı, tibb elmləri doktoru Aynur Səfiyeva Koreya Respublikasının Seul şəhərində Koreya, Yaponiya, Sinqapur və Çin Kolorektal Cəmiyyətlərinin təşkilatçılığı ilə keçirilən Beynəlxalq Kolorektal Tədqiqat Sammitində (ICRS 2026) “Kolorektal poliplərdə gender fərqliliyi” mövzusunda təqdimatla çıxış edib.
Bu barədə Aztibb.az-a Mərkəzi Gömrük Hospitalından məlumat verilib.
Bildirilib ki, sammit çərçivəsində Aynur Səfiyevanın təqdimatı beynəlxalq elmi ictimaiyyət tərəfindən maraqla qarşılanıb.
Çıxışdan sonra tədqiqatın nəticələri, kolorektal poliplərin inkişafında gender amilinin rolu və mövzu ilə bağlı digər aktual məsələlər ətrafında geniş fikir mübadiləsi və maraqlı müzakirələr aparılıb.
Dr. Aynur Səfiyevanın bu mötəbər beynəlxalq elmi tədbirdə Azərbaycanı təmsil etməsi ölkəmizdə aparılan elmi-tədqiqat işlərinin beynəlxalq platformalarda təqdim olunması baxımından xüsusi əhəmiyyət daşıyır.
