Şəkidə tanınmış həkim-dermatoloq Nofəl İbrahimov vəfat edib.

Aztibb.az xəbər verir ki, bu barədə Şəki RMX məlumat yayıb.

Məlumatda bildirilir: "Dərin hüznlə bildiririk ki, səhiyyə sahəsində uzun illər fəaliyyət göstərib, fədakar əməyi, yüksək peşəkarlığı və insanlara göstərdiyi qayğı ilə seçilən həkim-dermatoloq Nofəl İbrahimov vəfat edib.

Nofəl İbrahimov zəngin bilik və təcrübəsi, peşəsinə sədaqəti, yüksək mənəvi keyfiyyətləri və insanpərvərliyi ilə həmkarlarının və pasiyentlərinin dərin hörmət və rəğbətini qazanıb. O, uzun illər ərzində dermatologiya sahəsində göstərdiyi peşəkar fəaliyyəti ilə səhiyyə xidmətinə dəyərli töhfələr verib.

Bu ağır itki ilə əlaqədar Şəki Rayon Mərkəzi Xəstəxanasının kollektivi adından mərhumun ailəsinə və yaxınlarına dərin hüznlə başsağlığı verir, səbir diləyirik.

Allah rəhmət eləsin. Xatirəsi daim qəlblərdə yaşayacaq".