Rusiyada dəri melanomasına qarşı hazırlanmış fərdiləşdirilmiş mRNT vaksini “NeoOnkoVak” artıq 12 pasiyent üçün sintez edilib. İlin sonunadək daha 20 nəfərin bu müalicəni alması planlaşdırılır.

Aztibb.az xəbər verir ki, bu barədə Rusiya Elmlər Akademiyasının akademiki, Qamaleya adına Epidemiologiya və Mikrobiologiya Milli Tədqiqat Mərkəzinin elmi rəhbəri Aleksandr Qintsburq məlumat verib.

Onun sözlərinə görə, vaksin hər bir pasiyent üçün fərdi şəkildə hazırlanır. Daha 8 pasiyent üçün preparatın növbəti dörd ay ərzində sintez ediləcəyi, bundan sonra isə müalicəyə başlanacağı bildirilib.

“NeoOnkoVak” Qamaleya Mərkəzində hazırlanıb, istehsalı isə Radiologiya Milli Tibbi Tədqiqat Mərkəzində həyata keçirilir. Vaksin ilk dəfə bu ilin aprelində Kursk vilayətindən olan 60 yaşlı pasiyentin müalicəsində tətbiq edilib.