Sabunçu Tibb Mərkəzində “Etik davranış qaydaları və xidmət mədəniyyəti” mövzusunda təlim keçirilib.

Mərkəzdən Aztibb.az-a bildirilib ki, təlim tibb müəssisəsinin tibb bacıları və təsərrüfat bacıları üçün təşkil olunub və əsas məqsəd bu sahədə çalışan personalın pasiyentlərlə ünsiyyət bacarıqlarının daha da təkmilləşdirilməsi, etik prinsiplərin gündəlik fəaliyyətdə düzgün tətbiqi və xidmət keyfiyyətinin artırılması olub.

Görüş çərçivəsində iştirakçılara pasiyentlərlə empatiya əsaslı və effektiv kommunikasiya, etik davranış prinsiplərinin praktikada tətbiqi, müraciətlərin düzgün və çevik şəkildə yönləndirilməsi, eləcə də xidmət keyfiyyətinin və mədəniyyətinin təkmilləşdirilməsi istiqamətində ətraflı məlumat verilib.

Təlim çərçivəsində real situasiyalar əsasında müzakirələr aparılıb, əməkdaşların sualları cavablandırılıb və praktik tövsiyələr təqdim olunub.

Sonda qeyd olunub ki, bu kimi təlimlərin davamlı təşkili vətəndaş məmnuniyyətinin artırılmasına və göstərilən tibbi xidmətlərin keyfiyyətinin yüksəldilməsinə mühüm töhfə verir.