Sidikdə leykositlərin, yəni ağ qan hüceyrələrinin çox olması sidik yollarında iltihabi prosesin ola biləcəyinə işarə edə bilər.
Aztibb.az-ın xəbərinə görə, ən çox rast gəlinən səbəblərdən biri sidik yolları infeksiyasıdır. Bu zaman sidiyə çıxarkən yanma, tez-tez sidiyə getmə, qarnın aşağı hissəsində ağrı, həmçinin sidiyin rəngində və qoxusunda dəyişiklik kimi əlamətlər müşahidə oluna bilər.
Lakin sidikdə leykositlərin çox olması hər zaman infeksiya demək deyil. Analiz nümunəsinin düzgün götürülməməsi, bəzi böyrək və sidik yolları xəstəlikləri, eləcə də digər səbəblər leykositlərin sayının artmasına səbəb ola bilər.
Analizdə leykositlərin yüksək olmasına əsaslanaraq özbaşına antibiotik qəbul etmək düzgün deyil. Analiz nəticəsi digər göstəricilər və pasiyentin şikayətləri ilə birlikdə həkim tərəfindən qiymətləndirilməlidir.
