Azərbaycan Respublikası Qida Təhlükəsizliyi Agentliyinin (AQTA) sədri Qoşqar Təhməzli “Iceland” ticarət markası altında dondurma məhsulları istehsal edən “Camal LTD” şirkətinin fəaliyyəti ilə tanış olub.

Bu barədə Aztibb.az-a AQTA-dan məlumat verilib.

Bildirib ki, AQTA sədri müəssisənin istehsal və emal sahələri, laboratoriya bölməsi və sınaq imkanlarını izləyib, həmçinin hazır məhsulların saxlanması və daşınması mərhələlərinə baxış keçirib. Müəssisənin istehsal potensialı, qida təhlükəsizliyinin təmin edilməsi, dondurma məhsullarının xarici bazarlara çıxarılması istiqamətində həyata keçirilən tədbirlər barədə məlumat verilib. Qeyd olunub ki, şirkət müasir standart və texnologiyalardan istifadə etməklə müxtəlif çeşiddə dondurmalar istehsal edir. Məhsulun istehsal prosesində qida təhlükəsizliyi və keyfiyyətə nəzarət sistemləri tətbiq olunur.

Tanışlıq zamanı qida təhlükəsizliyi tələblərinin təmin olunması, istehsal proseslərinin təkmilləşdirilməsi və ixrac potensialının genişləndirilməsinin vacibliyi vurğulanıb.