İnsult, beyin qan dövranının qəfil pozulması nəticəsində yaranan və təcili tibbi müdaxilə tələb edən ciddi bir vəziyyətdir. Vaxtında göstərilən yardım xəstənin həyatını xilas edə və ağır fəsadların qarşısını ala bilər.

Aztibb.az xəbər verir ki, aşağıdakı simptomlardan hər hansı biri müşahidə olunduqda dərhal tibbi yardım almaq lazımdır:

• Üzün bir tərəfində əyrilik;

• Qol və ya ayaqda qəfil zəiflik;

• Nitqin pozulması;

• Görmənin qəfil zəifləməsi;

• Güclü və səbəbsiz baş ağrısı.

Mütəxəssislər vurğulayırlar ki, bu əlamətlərdən biri belə varsa, vaxt itirmədən həkimə müraciət edilməlidir. Unutmayın ki, insult zamanı hər saniyə çox önəmlidir.